Перед началом всякого дела
Царю Небесный... или:
Господи Иисусе Христе, Сыне Единородный Безначальнаго Твоего Отца, Ты рекл оси пречистыми усты Твоими: яко без Мене не можете творити ничесоже. Господи мой, Господи, верую объем в души моей и сердце Тобою реченная, припадаю Твоей благости: помози ми грешному, сие дело, мною начинаемо, о Тебе самем совершити, во имя Отца и Сына и Святаго Духа. Аминь.
По окончании всякого дела
Исполнение всех благих Ты еси, Христе мой, исполни радости и веселия душу мою и спаси мя, яко един многомилостив.
Пред учением
Преблагий Господи, ниспосли нам благодать Духа Твоего Святого, дарствующаго и укрепляющаго душевныя наши силы, дабы внимая преподаваемому нам учению, возрасли мы Тебе, нашему Создателю, во славу, родителям же нашим на утешение, Церкви и Отечеству на пользу.
После учения
Благодарим Тебя, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию блага и подаждь нам силу и крепость к продолжению учения сего.
Пред обедом и ужином
Очи всех на Тя, Господи, уповают, и Ты даеши им пищу во благовремении; отверзаеши Ты щедрую руку Твою, и исполняеши всякое животно благоволения (Пс. 144).
Или читается: Отче наш...
После обеда и ужина
Благодарим Тя, Христе Боже наш, яка насытил еси нас земных Твоих благ; не лиши нас и небесного Твоего Царствия. Но яко посреде учеников Твоих пришел еси, Спасе, мир Твой дай нам, прииди и к нам и спаси нас.
